الفرق بين ماشاء الله واللهم بارك

الفرق بين ماشاء الله واللهم بارك

احنا للاسف دايما نقول ماشاء الله علي اي حاجه عشان مانحسدهاش تخيلوا ان الكلمه دي مابتمنعش الحسد ؟ ببساطة الكلمه دي ذكرت في منع الحسد عن حاجه بتخصني انا بيتي او شغلي اولادي او مالي ونتكلم في هذا المقال عن الفرق بين ماشاء الله واللهم بارك 

الفرق بين ماشاء الله واللهم بارك :-

حيث انها ذكرت في سوره الكهف ولولا اذ دخلت جنتك قلت ماشاء الله ..

هنا ربنا بيفهمنا ماتحدش نفسك او اي حاجه تخصك .

يعني دخلت بيتك او اولادك عجبك شكلهم وهم لابسين او نجحوا بتفوق او حتي شكلك في المرايه هنا تقول ماشاء الله ومعناها انك بتقول هذه مشيئه الله لك ولا دخل لك بها 🙂 

طيب امنع الحسد ازاي من عين الناس ؟او امنع نفسي اني احسد حد ازاي؟

ببساطه تذكر كلمة البركة بمشتقاتها تمنع الحسد …

زي انك تقول مبارك ,تبارك الله ,اللهم بارك.بارك الله لكم ,كده يعني  

🌿🙈

*قال رسول الله صلى الله عليه وسلم:-
“إذا رأى أحدكم من نفسه أو ماله أو من أخيه ما يعجبه فليدع له بالبركة فٍإن العين حق” ✋

*ولما جه خبر لسيدنا محمد صل الله عليه وسلم ان في صحابي تأذي بالعين قال “لولا باركوا” ..!
(يعني لو كانوا باركوا مكنش الصحابي تأذى من عينهم)

ما تنسااش بقى تبارك (الدعاء بالبركة) 😉 اتباعا لسنن وأوامر سيدنا ونبينا محمد صلى الله عليه وسلم ، وحتى لا يتأذى أحد من عيننا ❤
وحاول تطلب من الناس تقولها ، لو حد زار بيتك او شاف ولادك او شاف عربيتك او … او … لما يقول ماشاء الله ، فهمه انها مش بتمنع الحسد واطلب منه بشياكة يبارك

ربي يباركلكم في عمركم وصحتكم ومالكوا واولادكم ويملأ بيوتكم بركة 💕

اترك تعليقاً