10 فوائد للبطيخ للحوامل
لو حامل حطي في بطنك بطيخة صيفي 😀
موقع هابي مامي يقدمك في هذا المقال 10 فوائد للبطيخ للحوامل عرفي صاحبتك الحامل وعرفيها الكنز دا واقراي المقال دا واليكي فوائد البطيخ للحوامل …
فوائد البطيخ للحوامل :-
1- البطيخ 92%منه ماء ,اول مقطع من اسمه بالانجليزي waterيعني هيمد جسمك بكمية مياة كويسة من غير شرب مباشر للماء ويحمي جسمك من الجفاف خصوصا في الحر ويقلل التورم المصاحب للحمل ويعالج كمان التهابات الجلد .
2-البطيخ كله الياف تسهل عملية الهضم وتعالج الامساك اللي بيعاني منه كتير من الحوامل .
3- لو عندك شعور قوي بالغثيان او حموضة ..البطيخ بيقلل جدا من الغثيان ويبرد نار الحموضة .
4- البطيخ يحتوي علي مادة الكاروتين الاحمر الليكوبين اللي وجدت دراسات كتير انها مادة وقائية تحمي من ارتفاع ضغط الدم اثناء الحمل وتسمم الحمل .
5- البطيخ غني بقيتامين بي وسي والبوتاسيوم المهم لتنظيم ضغط الدم .
6- البطيخ يحتوي علي ماغنيسيوم اللي مع البوتاسيوم بيقلل حدوث انقباض العضلات المفاجي زي الشد العضلي .
7- وجبة خفيفة جدا مافياش كالوريز عالية ولا سكريات مضرة .
8-بيرفع مناعتك عموما ويحمي من العدوي عشان غني بمواد طبيعية ضد الاكسدة .
9-ابحاث كثير لقت ان البطيخ يحمي من امراض خطيرة زي ضغط الدم المرتفع وبعض انواع السرطانات .
10- بينقل لطفلك المواد المفيدة دي كلها وبيحسن من صحة جنينك العامة .
