النوم الصحي للرضع

النوم الصحي للرضع

هابي مامي يقدملك في هذا المقال ان شاء الله عن النوم الصحي … عن الوضع الصحيح والآمن للنوم … عن عدد ساعات النوم الكافية لكل مرحلة سنية … عن القيلولة … عن روتين النوم الصحي … وعن أشهر مشاكل النوم

أولا :  وضعية النوم الصحية والسليمة للأطفال ؟؟

  • افضل وضع لنوم الرضع هو على الظهر … النوم على البطن وعلى الجنب في حديثي الولادة خطر جدا ومن العوامل اللي بتزود فرص متلازمة الموت المفاجئ … فبالتالي ننيم الطفل حديث الولادة على ظهره وبلاش خالص النوم على البطن والجانب سواء في النوم الليلي أو وقت القيلولة ..
  • اول ما الطفل يبدأ يتحرك ويتقلب كويس ممكن نسيبه في الوضع اللي يريحه بس طبعا مش قبل ٦ شهور الكلام ده 
    كمان الطفل مبنحطش معاه في سريره اي لعب أو دباديب 
    كمان مش بنحط تحت دماغه مخدة

عدد ساعات النوم الكافية لكل مرحلة سنية :-

  • الطفل من يوم لحد ٣ شهور ممكن ينام لحد ١٨ ساعة في اليوم نصفهم بالنهار ونصفهم بالليل تقريبا
  • الطفل من ٣ شهور ل ٦ شهور بينام من ١٤ ل ١٦ ساعة من ٤ ل ٥ ساعات بالنهار والباقي بليل
  • الطفل من ٦ شهور لسنة بينام لحد ١٤ ساعة منهم ساعتين ل ٣ ساعات بالنهار والباقي بليل
  • الطفل من سنة بينام من ١٢ ل ١٣ ساعة منهم ساعتين بالنهار والباقي بليل
  • لازم نعرف أن الطفل أول ما يتولد نومه مبيكونش منظم بس بينام ساعات طويلة لو شبعان ومرتاح ومطمن … وفي الوقت ده لو مش عارف ينام ممكن نساعده عن طريق الضوضاء البيضاء أو التقميط .
  • بعد ٣ شهور بيبدأ نوم الطفل يستقر ونبدأ نتوقع مواعيده … وممكن من الوقت ده نساعده يستقر في نومه عن طريق روتين النوم

ماهي أهمية القيلولة ؟؟

  • القيلولة مهمة جدا جدا وبتساعد الطفل يرتاح بليل في النوم .
  • وبتساعده يكون بالنهار غير متوتر .

الطفل قبل ٦ شهور بيحتاج لتلات مرات قيلولة بعد الست شهور تقل لقيلولتين … بعد كده قيلولة واحدة

روتين النوم الصحي ؟؟

بندخل الطفل ينام بدري ع اد ما نقدر وبنضلم الاوضة وممكن نخلي ضوء خفيف اوي لو الطفل بيرتاح كده … بعد كده ممكن نحكي قصة … ونغني اغنية … وممكن نعمل مساج … وممكن نحضنه لحد ما ينام ولو دايما ربطنا ده بالنوم هنلاقي الطفل دائما بينام في الأجواء دي …. وممكن حتى بالنهار وقت القيلولة نعمل نفس الروتين

ماهي أشهر مشاكل النوم ؟

صعوبة النوم : ايه اللي بيخلي الطفل ميدخلش في النوم بسهولة ؟؟ من أكبر شكاوى الأمهات الموضوع ده
**اسبابه

  • التعرض للشاشات لفترات طويلة خاصة قبل النوم
  • ان الطفل مينامش وقت القيلولة 
  • انه ميكونش فيه روتين ثابت للنوم
    **الكوابيس 
    ممكن تحصل بردو بسبب الشاشات أو تعرض الطفل لحدث مؤلم أو مؤثر
    اتمنى لكم ولأطفالكم نوم صحي ومريح .

Nada Abd Allah

اترك تعليقاً